2013年12月24日星期二

有趣的廣東俗語 (重刊)


網上圖片


文章日期:04/05/2011 12:31 am 刊於Yahoo Blog


上星期為了尋找一個字在網上搜尋了一天同時找到了一些很有趣的廣東俗語很多經已被遺忘了或被目前的新潮流"潮話”所取代抄錄一些与你等雅俗共賞。

陳年生草藥  (發爛渣)
肥佬着笠衫  (幾大就幾大)
灶君上天  (有嗰句講嗰句)
火燒猪頭  (熟口熟面)
黄皮樹了哥  (唔熟唔食)
纸紥下巴  (口輕輕)
壽星公吊頸  (嫌命長)
隔夜油雄鬼  (冇厘火氣)
火燒旗桿  (長炭﹝嘆﹞)
冇耳藤喼  (靠托)
週身刀  (冇張利)
断柄鋤頭  (冇揸拿)
隔年通勝  (唔值錢)
十月蔗頭  (甜到尾)
火麒麟  (週身癮)
幡桿燈籠  (照遠唔照近)
潮州二胡  (自己顧自己)
生蟲拐杖  (靠唔住)
單眼佬睇老婆  (一眼睇晒)
雷公劈豆腐  (揾軟嘅嚟蝦)
秀才手巾  (包書﹝輸﹞)
貓兒洗面  (係咁意)
魚生粥  (啱啱熟)
雞食放光蟲  (心知肚明)
番薯跌落灶  (該煨)
成吉思汗打仔  (大汗揼细汗)
阿崩叫狗  (越叫越走)
细路哥剃頭  (快嘞快嘞)
床下底破柴  (包撞板)
濕水棉花  (冇得弹)
鼎湖上素  (好齋)
深海龍躉  (好瘀﹝魚﹞)
蒸生瓜  (神神地)
老公潑扇  (﹝妻﹞凄涼)
老婆担遮  (陰公)
年晚煎堆  (人有我有)
倒掛臘鴨 (油嘴滑舌)
鬼佬月餅  (悶極﹝moon cake)
阿茂整餅  (冇嗰樣整嗰樣)
豉油撈飯  (整色整水)
賣鯇魚尾  (包搭嘴)
老鼠跌落天秤  (自稱自)
灶君跌落鑊  (﹝蒸﹞精神)
跪地餵猪乸  (睇銭份上)
撒路溪銭  (吸引死人)
閰羅王開賭檔  (揾鬼買)
十月芥莱  (起晒心)
山草藥  (up得就up)
灶頭抹布  (又鹹又濕)
賣鱼佬洗身  (冇晒﹝腥﹞聲氣)
抬棺材甩褲  (失禮死)
鹹蛋滚湯  (心都實晒)
海軍對水兵  (水鬥水)
阿蘭嫁阿瑞  (累鬥累)
孔子搬屋  (全部書﹝輸﹞)
醉酒佬數街燈  (唔知幾盞)


新一代嘅年青人未必知道廣東俗語的趣味亦經己被潮話取替至於上述的俗語出自何處點解我就不得而知但係諗下又真係醉酒佬數街燈唔知幾盞!


12 則留言:

白田 說...

濕水棉花 (冇得弹)
棉襖(棉"納")裏的填充物為棉絮(俗稱棉花), 棉襖保暖靠的是棉絮纖維包裹的空氣, 空氣愈多愈保暖.
小時在油麻地吳淞街, 有這麼的一個街舖, 讓我們放學時駐足. 他們將一綑綑棉絮, 舖在一張大木床上, 人各腰繫以長籐魚絲之類造成的十來呎長弓狀物, 以人手把弓彈動, 目的是製造纖維稀鬆的棉絮. 幾個人一起作業時, 像雜耍也像舞蹈, 伴著棉絮飛揚, 煞是好看.
濕了水的棉絮(濕水棉花), 不能彈不堪彈, 也彈不出稀鬆的狀態, 是謂: "冇得彈", 即"沒半點批評", 喻完美.

人在雨中淋 說...
此留言已被作者移除。
人在雨中淋 說...

以前返學要由茘枝角道轉欽洲街,再轉長沙灣道,附近有間棉苔舖,好多時百厭睇打棉苔師傅打棉苔,睇到唔捨得走。

蒲公英 說...

點解呀?打棉苔有mug野睇?大哥,我想把你這篇文章轉貼在我的網誌,想看時不須來這裡啦。因為這篇文章很有趣味性

人在雨中淋 說...
此留言已被作者移除。
人在雨中淋 說...

細妹,你要攞乜野,除咗天上個月光大哥冇辦法之外,都盡力攞俾你......呢篇文章拿去吧!
打棉苔有乜野睇?經已準備好一啲圖片,下下下一篇博文將為細妹解說!

蒲公英 說...

嗚嗚!好感動。感謝大哥。我取走了。

秋葉 說...

廣東俗語真係好傳神!有很多聽過,但亦有很多未聽過,請准予以抄錄下來,作為民間智慧的見證。
祝新年快樂,關府安康!

人在雨中淋 說...

隨便喎亞姨,自己屋企喎,使唔使要個手揪唧......真百厭嘞!

秋葉 說...

謝謝雨兄俾面!祝雨兄雨嫂新年安康迪吉!
小時候跟隨家人去欽洲街,也見到一些單層地舖,見過一間彈棉胎舖,門戶洞開,常有一個年青男人,擔著一把弓在彈棉花。
印象至今難忘!不知是否你見的那一間棉胎舖?

人在雨中淋 說...

應該係同一家,佢嘅位置接近欽洲街同元洲街束北街角位,如亞姨所說是單層地鋪....唔知有冇撞過面呢?

秋葉 說...

不錯!就是欽州街與元州街的街角位置了!那間打棉胎舖,真是令人太印象深刻了!
也許是相逢應不識,因為那時我還未入學。但在我初學行的稚年,已記得祖母的聲音,多年後我模仿起,嚇得姐姐一跳!
因為和祖母在生時說的話音一樣。