孤高城‧雨中家（7）如心誤載三魔客 禿老細說生死書

嘉峪關（網上圖片）

如心客和釵兒各人的一隻手同時間撿起釵兒被如心客打落嘅金釵，兩人兩手雖然沒有觸及，但大家的臉都紅熱起嚟。釵兒一頓足，把金釵「搶」回手中，呶着嘴說：「還說沒有打下我的金釵，傻瓜！」說的時候＂咭＂的一聲笑出來。「孩子，不早了，還是快點練功吧！」火鳳凰冷冷的說罷，一着＂天邊孤雁＂向遠處飛躍而去，釵兒也應聲而出，用同樣招式追趕木賏娘，兩人去遠後，還傳來釵兒笑着叫「傻瓜，傻瓜」，她真像個小孩子拾到喜歡的玩具那般高興。如心客望望自己，聳聳肩，自言自語說：「我真係個傻瓜嗎？」

夜了，距離孤高城只不過係一個時辰路程，如心客不想連夜入城打擾人家，決定就在小道旁停一夜。佢拉好牛車上的帳蓬，有點覺得奇怪：剛才與釵兒木賏娘相遇，竟然吵不醒車上仇不休一家三口。佢細看兩個小孩，他們頭戴皮帽子，幾乎將半邊面蓋住，衣着寬大蓋過了手脚，不怕寒攝，如心客見其中一個小孩衣領蓋不到後頸，正伸手將佢衣領翻好。＂啪＂的一聲，那小孩一手經已將佢架開，動作快得使人出乎意料。另一孩子也似乎醒了過來，皮帽間雙眼射出使人不寒而憟嘅眼光，如心客亦聽到躺在一旁嘅仇不休正運勁手骨關節作嚮。如心客行走江湖時日尚淺，十幾日行程中，佢只覺得呢對孩子好乖，好靜唔扭計..... 這刻，佢突然發現自己真係個傻瓜。

如心客為追捕要犯取賞入大都，途中遇上呢兩個可憐小孩，佢地好似極度驚慌，死命拉住如心客往小廟跑，就在小廟內見到現時正躺在牛車上、滿身血污嘅問蒼天仇不休。仇不休喺懐中取出一張緝拿公告，上面寫着捉拿仇不休字樣。仇似是一身傷患，佢只說了一句：「如俠，我連番被人家追殺，你別管我，就救救兩孩子吧！」如心客就俾佢這句話打動，誓要將仇不休一家三口送到孤高城。

如心客此時却冷靜落嚟，佢好似乜都冇感覺咁繼續整理牛車上嘅雜物，仲乾脆將七節軟鞭喺車上一放，理好自己被窩倒頭便睡，睡得着嗎？大家都沒有，大家都装睡，大大聲打呼嚕.....

一宿無話，孤高城嘅清晨；雨中淋忙碌咗一個通宵，酒釀好了，只等酒涼了入埕。佢伸個懶腰，由高出地面三尺嘅小屋走出，手將煙桿填滿煙絲，燃點後深深的吸一口，看着噴出嚟嘅煙，變化萬千，就如人生一樣，曾經擁有，也曾經失去。遠處傳嚟一把洪亮聲音；其實應該話有人用＂百丈傳音＂內功在講說話。雨中淋一聽，嘆了句「好俊嘅內家功夫」，跟着笑了笑，心想：「洪老禿又在講佛偈了。」

洪老年青時係山東「魯幫」嘅二當家，為人心狠手辣，後未知闖咗乜野禍事被逐出魯幫，而且俾全幫追殺，洪老落荒而逃，出關後竟錯過孤高直奔西域，喺西域七年潛移默化，學得不少佛理返回中土，抵嘉峪關前，想去睇睇人家傳說嘅孤高城，咁就一住二十年。二十年中，洪老不斷鑽研由西域帶回嘅經書，某日還為自己剃度出家，所以當時嘅孤高客稱佢為洪禿，現時多尊稱佢做洪老。

洪老每日堅持沿門托缽化緣、過午不食嘅僧人習慣。現時嘅洪老一面慈祥，銀鬚白髮，身上僧袍千針百補，真係一件名副其實嘅百衲衣，雖然如此，儀容一絲不苟，莊嚴整潔。洪老手持缽頭，逐家逐户行乞，出家人化緣是乞食，這並非貶低僧人身份，僧人不耕作，不煮食，專心修行，乞食也是修行部份，而真確用意如此.... 佢剛到軒媽媽門前，軒媽媽經已拿出一盆齋菜出嚟往洪老的缽內倒下去，洪老笑着說：「看來老僧今天定飽死矣！」軒媽媽說：「老師父你先用，還要還有呢！」洪老一面嚴肅的說：「軒姊你錯了！你是施者，老僧是受者，那有受者先用之理，這是罪過啊！」「那是我們向老師父的尊重，對嗎？」軒說。洪老慈祥的往下說：「佛是人、老僧是人、軒姊也是人，是最平等不過。施是無條件的付出，受是無償還的接收，那何來會受者尊於施者呢？」軒媽媽低頭不語思考着，呢個時候街巷人多咗，相熟、不相熟嘅都停腳止步想聽聽老和尚講嘅係乜野，人羣之中有人問洪老說：「洪老師父，你話佛係人..... 何解？」

洪老想了想，說：「大家都坐下來，以前釋迦牟尼未成佛時係釋達多太子，因眼見人間苦境深感困擾，遂決定放棄皇宮富裕生活，為人間苦痛問題尋求答案，最終在菩提樹下悟出真諦，成為覺者，那就是..... 佛，釋達多太子未成佛前與你我一樣是個凡人。」跟着人羣中又七嘴八舌的問：「那釋達多悟出的是個什麼道理？」洪老回答說：「釋迦佛說法四十九年到七十九歲圓寂，經常教說佛理中心思想＂緣起法＂，萬法因緣而生、萬法因緣而滅。」 註：此＂法＂解作事物亦並解為法理

雨中淋細心的聽着，突然有感而發的衝口而出：「洪老禿，那＂緣起法＂點樣可以解釋＂生死＂呢？」人們聽到雨中淋衝口而出嘅一句洪老禿，都大笑起嚟。洪老笑得更開心說：「性空唯名、何必執着；雨老怪，看你人怪兩不像就因為＂執着＂。好！問得好，就讓老禿試解你所執。」

「宇宙天地萬物都有生有滅，即使係天地間最堅硬嘅金剛石都有生滅；金剛石未成時是樹木，經高温火燒岩石壓迫成金剛石，這是緣生。沒有樹木、高温火燒、岩石壓迫等等嘅緣，金剛石便無法形成，沒有人開採打磿也沒法成通透寶石。當金剛石幾百年甚至幾千年後因某種原因損毁或切割成為多片，原來嘅金剛石便滅，這就是緣生緣滅。金剛石是死物，人是生物，人有思維有做作，呢個緣起緣滅就比死物複雜得多，但姑勿論是生物是死物、緣起緣滅就係一個過程，人生亦係一個過程。」洪老望望各人，大家都似明非明，有人更大聲的問：「那怎樣與生死拉上關係呢？」

洪老微笑的說：「人的＂生＂是算在什麼時候呢，是父母結合時、是母親有身孕時還是嬰兒誕生時呢？同樣，人的＂死＂（滅）算在什麼時候呢，是心停時、氣停時還是腦停時呢？不管人＂生＂是那時、人＂滅＂是那刻，其生與滅中間與宇宙萬物一樣都是一個過程，不過有智慧有思考有能力嘅人類、就係呢個過程中不斷做業，業力會將人推向輪迴苦海生生世世...... 」「那麽人生不是很苦嗎？」有人在問，洪老慈祥的答說：「如果你常執着一個＂我＂，那就的確很苦，但如果你能夠看破＂沒有一個實有的我＂，不我執，那就不苦，很難啊！」洪老抬頭望着天再長嘆了一句：「難啊！」「那什麽是＂沒有實有＂？」又有人高聲發問，洪老點點頭說：「問得好，不過說來話長，＂沒有實有＂是空，緣起性空，是緣起法內的重要部份.... 還有的是因和果，待有機會跟大家說。」

「這不難明白.... 」人羣中有人說，洪老望望那說話的人，微笑的說：「這位哥兒真的明白，老僧恭喜恭喜！釋迦佛侍者亞難初次聽佛說緣起法，亦如此說，佛糾正其說：＂亞難，緣起法甚深又甚深！＂ 釋迦佛用兩個甚深嚟形容，你說真的這麽易明白嗎？是老僧講解得不好，令你誤解了，抱歉！」

大家交頭接耳之際，牛車轆轆，如心客把着牛車慢慢進入孤高城，一眾眼光落在車上四人身上：如心客、仇不休和兩個＂小孩＂.... 大不良柴小熊、小不良柴小夢。