2013年10月1日星期二

孤高城‧雨中家(3)軒媽媽文廚武藝 是非了石硯鐵筆

網上圖片


雨中淋瞧着縐了的水面,水紋不停變化,倒影出來嘅面容也不停變化,儘管怎樣變化,還不是一條可憐蟲!雨中淋長嘆了一聲,往孤高城那邊走回去。抵家了,門前經已放好咗一瓶一瓶嘅「寒冰暖」美酒待沽。雨中淋一家就係靠呢個祖傳謀生方法維持生計,雨中淋釀此酒、也對此既愛又恨,十五年間,每次家門前缺酒了,佢為生計才得幾天清醒一下,滴酒不沾唇去專心釀酒,呢幾日亦佢反覆回想舊事最苦痛嘅時刻。



釵兒見爹回來,蓬頭垢面,泥濘滿衣,咁多年嚟釵兒經已司空見慣,佢愛她爹,亦明白爹失妻之痛,亦同自己失娘之痛一樣,但佢只有一件事唔明白嘅,係為何爹會如斯多年頹廢。雖然釵兒經已年近二十,逃嚟孤高城,避難嘅全都係單漢獨女,同齡年青人只有她姊妹仨,佢對男女愛情非常陌生.... 釵兒向爹呶一呶嘴說:「爹,快進屋換過衣服洗洗臉,刮刮鬍子,家中缺酒,爹你要入關辦貨釀酒了。」雨中淋垂頭喪氣,佢最怕嘅係面對自己三個女兒。



爹梳洗畢沐浴更衣入嘉峪關內辦貨, 三個女孩子則坐在屋中等一個人出現....佢就係當年雨夜,眼見雨中淋滿身血污,用布條把尋兒裹在自己胸前,單手抱着兒,另一手執着一把染滿殘血嘅金背鬼頭刀,釵兒捉着父親衣角,逃入「孤高」嘅一位女衆。佢將倒在地上嘅雨中淋,喺泥濘路强拉帶推入羊棚,用剪刀剪斷尋兒的裹布,然後接過佢手上嘅情兒,一手抱起淘哭嘅釵兒,看看昏死的雨中淋,佢在想:「先救誰?」雖然說江湖兒女不俱小節,但終究係男女授受不親,她想是先救小孩們。



她將小孩用羊奶喂好了,吃過了乳酪,三個孩子都累壞了,小的兩個還患身熱,釵兒猛丟開她的手要出屋看看她爹,這時真難啊....這位就係自嗰日開始視釵兒姊妹三人如己出、三姊妹心目中嘅「軒媽媽」。喺孤高城,冇人知其他人為何而來,也冇人知別人從何處來,「軒媽媽」也不例外,一眼看來,軒媽媽只像一個農村婦女,沒有人知佢背後嘅故事,佢不但身手不凡而不形於外,一個慈面容與孤高城彪炳漢子格格不入。佢手藝精湛,教曉三姊妹不少編織女紅剪紙勞作,也是一位廚藝高人.... 三個女孩子就在屋子裏等軒媽媽端來午餐。



等着,姊妹仨唔知邊個先提起「媽媽」一詞,尋兒問:「二姊,究竟娘係長個什麼模樣?」晴兒輕輕掃着尋兒的頭髮說:「娘生得很美!」兒最後一次見她娘時只得三歲,但她娘嘅微笑仍深刻印喺腦海中。大姊釵兒這時本來一臉冷酷,咀角翹了一翹,掩不住本來跳皮性格。三姊妹中只有釵兒喺惨變前經已開始懂事,也受過長輩溺愛。惨變後,佢自我壓抑變得冷酷,但孩子還是孩子,跳皮還是跳皮,她說:「娘像我有個疍臉、像你二姊有一雙大眼睛、也有像你有一張大嘴巴!」女孩子總要美,尋兒急將起來說:「我沒有大嘴巴,娘也沒有大嘴巴!」「你有... 尋兒大嘴巴!」「沒有、沒有!」「有有,尋兒大嘴巴、娘沒有大嘴巴!」「沒有、沒有!」尋尋快要哭了,晴兒把尋尋抱在懷中說:「姊,我和你見過娘,尋兒那年才得幾個月大.... 我真想娘啊!」釵兒看着自己一手從母親接過來的尋兒,母親「釵兒、快接着尋尋!」那句話又浮在腦海,佢望着兩個妹妹,一臉跳皮又回復冷酷。




這時軒媽媽捧着香噴噴嘅午飯,步履輕盈的走進嚟,如果唔細心觀察,一啲都唔似係個有武功之人,因為佢嘅武功登峰造極,武功修為全都收斂得一點都唔外露。軒媽媽一邊將餸菜放喺桌上,一邊說:「邊個蝦我個小寶寶,別怕,吃過飯,等會軒媽媽教你多兩招,讓你對付你兩姊。」「不!我跟軒媽媽練武,並非對付姊姊.... 是對付... 」「別說了!」釵兒截着說:「多謝軒媽媽!」她先給軒媽媽端上一碗飯,才自己坐下。剛坐下,外面一聲乾咳,那人說「好香的飯啊!」就走進了來。晴兒立即為那人端飯,說:「軒媽媽,可以留了叔叔吃個午飯嗎?」軒媽媽說:「佢教你武功,你梗係錫住你師父嘅!」了叔叔說:「孤高城內為保性命株連,絕不以師徒相稱,晴兒,他日我天下第一狀是非了給人家誅九族也不與你有牽連,你明白嗎?」「了叔叔,情兒明白。」了叔叔笑了笑,端起飯便大口大口的吃,與佢一身寒儒打扮絕不相稱,吃得滿口飯時,囁嚅的說:「今天教你寫大字。」說罷從腰間掏出一塊重甸甸嘅石硯,在背後拔出一枝鐵筆....


26 則留言:

Unknown 說...

鐵筆神鈎是非了....
呵呵........
大嘴巴.....笑哈哈.......落了也要向上爬.....敬他.....愛他.....我把心兒交給他..........>.<//

從此 說...

雨師兄, 找到你的新家了, 暫時加在我的最愛列, 因為敲定是否搬到GOOGLE..甜夢

Unknown 說...

百厭:啱啱編輯緊,有電話嚟拎吾穩跌正個鍵盤,咁就enter咗,改極都話暱稱違反了《Google+ 名稱政策》。想改番eva kam又話用過要等一段時間,阿仔叫我開過一個,但個blog用咗五味軒,應該吾可以重覆,咁咪要改過個blog名!吾知是否因google+稱號問題,有D語法用吾到,而家都吾知點搞。百厭有乜建議?我睇到你下面話遞上香茶!入去睇下至知你問點解個名號咁古怪,成日收吾到你留言通知。

白田 說...
此留言已被作者移除。
白田 說...

第一段第一行 - "盡管"怎樣變化: 應作"儘管".
第一段第三行 - "十五前間": 是"十五年間"吧?
第三段第二至三行 - 捉着父親一"块"衣角: "块"是簡體字, 正體字是"塊", 這句可直接的說: 捉着父親衣角.
第三段第三行 - "躝躝跚跚"逃入「孤高」: 這個"躝"字 字典查不到, 而"躝跚", 與詞句"春意闌珊"和"燈火闌珊處" 的"闌珊", 明顯有別, 也不切情節. 你是否想寫"蹣跚", 注意此詞沒有疊字.
第四段第四行 - 一個"慈詳"面容: 是"慈祥".
末段第一行 - 步履輕"移"的走進嚟: 你是要說步履輕"盈"嗎?
末段第七行 - 給人家"殊"九族: 是"誅"九族.
末段第八行 - "嚅嚅"的說: 是"囁嚅".
希望沒負囑託.

red yellow 說...

犀利,
出場人物個個勁。

本篇最令讀者期待的句子,
當是:「佢對男女愛情非常陌生」

雨兄最拿手的武俠愛情故事又來了。

人在雨中淋 說...

大嘴巴,妍瓦有張大嘴巴!

人在雨中淋 說...

多謝你來探我!初來步到,沒以前的熱鬧!

人在雨中淋 說...

冇乜理由唔可以改喎,或者遲下啦

人在雨中淋 說...

有勞學長矣!

人在雨中淋 說...

以乎洪湟兄期待的是無艷姑娘的武俠愛情故事多些......有!一點能滿足兄台期待。

人在雨中淋 說...

多謝!經已更正了。

翠兒 說...

(鼓掌)精彩精彩!軒姐好犀利呀!

Stella Luk 說...

剃剃鬚?原來古代也剃鬚!

蒲公英 說...

雨一哥,不是嗎,以羊奶餵小孩,小心孩子壞肚皮???

Unknown 說...

百厭有冇收到我E貓?四日前曾記過一電郵,有中文標題至好開,英文係我電腦中毒吾好開呀!

人在雨中淋 說...

收到了,不過有點忙未有空覆你,對不起!

人在雨中淋 說...

乜餵羊奶會使小孩子壞肚皮咩?

人在雨中淋 說...

有!刮鬍子嘛!不過白話咪係剃鬚囉!

人在雨中淋 說...

五姐當然利害啦,文武双全!

飛鳥 說...

好形好有味亦好有性格
極似我.....心目中所想要的
多謝你...嘩哈哈哈

人在雨中淋 說...

寫番衰的至得,唔好等佢咁得戚!

Unknown 說...

五姐一無用處!百厭咁講令五姐慚愧,汗顏!

Shu Siu (如心恕也) 說...

咁快就帶出了兩位大俠,而雨中淋又係一位酒客,同我咪有得斟囉!哈哈....

人在雨中淋 說...

現實生活中,百厭唔識飲酒,嚟!好朋友到來,以茶代酒,敬如心兄一杯!

Shu Siu (如心恕也) 說...

又係收唔到電郵通知,點解???