一條插咗民主旗幟喺尾巴嘅「汪汪」

有個前監警會委員大大聲話，你地唔喜歡人地叫你做「黑警」，咁就唔好叫人做九品官...公平！說得好！

警察做錯嘢，以前向警察投訴科投訴，後來話警察查自己人唔公道，就由監警會呢班大泡和嚟審查...公平！做得好！

依家有班讀詩篇嘅發慄界人士，佢地嘅食塞米大狀棍公會發言人話，如果覺得啲官判得唔啱，可以上訴，唔好叫人 九品官嘛...公平！講得好！

如果啲官判得唔啱，上訴後邊個審，邊個去查邊個去判，乜又係呢班狡官自己做番，根据上面監警會裁决嘅邏輯，自己人唔可以審查自己人，八股巡案唔可以查九品官！...公平！問得好！

咁，就應該同投訴警察一樣，成立一個監官會至對市民公平！提得好！

幾篇前，上載咗一張七警案作俑者嘅照片，呢位仁兄，突然間話放棄上訴甘願入獄，為自己作為附出代價，你信唔信？老雨就絕對唔信，因為七警案引發咗社會對判決嘅所謂「公平」，作出好大反嚮。問題係有人舉住爭取民主呢面光輝旗幟，有步署有計劃搗亂社會安寧，出事被捕嘞，審判者「罔」開一面，話年青人在爭取民主大氣候，犯咗錯誤，只判社會服務了事，法理何在？七警案中亦喺動亂中，警察承受有人藉爭取民主嚟胡作非為，對警員極大侮辱同挑釁，壓力從所未有咁大，七警都犯咗錯誤，可能佢地頭上冇民主光環咁就受到重判，公義何在？

「呢位仁兄被指2014年10月15日凌晨3時20分，喺金鐘龍和道一個花槽用裝水容器盛載嘅液體，向下淋潑正係執勤嘅1名警長同10名警員，事後又抗拒4名嘗試制服他嘅警員，俾警方起訴1項『襲擊警務人員』同4項『抗拒正當執行職務警務人員』罪名。喺九龍城裁判法院經審訊後，裁定1項襲警及2項拒捕罪成，判監五星期。

主任裁判官羅德泉喺判刑時話，呢位仁兄求情時承認自己仇視警員至會做出當晚嘅行為，但唔係減免刑責嘅理由，被告由始至終都冇悔意，法庭有責任保護正當執行職務嘅警務人員，佢襲警行為與一般襲警案有唔同，慣常嘅襲警都係針對同被告『有過節』或發生過爭執嘅警員，但本案遇襲警員事前並冇接觸過佢。

羅官指，身為資深社工嘅被告，佢聲稱淋液體係因為唔滿意警方用過度武力對待『佔中』示威者，但被告本人同樣欠缺克制，使無辜前線警員受害。被告向一班素未謀面同無辜嘅警員施襲，更淋潑有異味不明液體，係對警員極大侮辱同挑釁，案情近乎向警員吐口水。被告將警員作為『出氣袋』及『代罪羔羊』，罪行嚴重，有案例佐證應判處他即時監禁，但批准保釋外出等候上訴。」

回說呢位仁兄，主任裁判官羅德泉話佢由始至終都冇悔意，點解佢會放棄上訴，急急自願入冊，佢唔係真心實意去付出代價，而係喺上訴過程中，極有可能被推番原判加刑加監，唔係呢個仁兄聰明，而係佢身嗰啲尊貴嘅狀棍指點，夜長夢多，入獄五個星期扣減假期，頂多「受靶」三十日，如果行為良好，無過無錯，準二十一日出冊，到時又一條英雄好漢，咪當上郵輪星馬泰加越南二十一天遊囉！點解仲要承受風險上訴呢？

上次上載張相片後，個心總係覺得呢個仁兄張相有啲唔妥，心想，呢張相係由佢FB關於七警案判後，發喼風話獲「小小勝利」一文下載，官司贏咗，應該係以最真實最美好一面示人，原來「相」真係從心生，呢位仁兄個相，左眉低右眉高鼻歪，蛇頭鼠目，聞七警被判「陰陰咀」笑，形象偎瑣。老雨自認相不端形不正，但係未衰到佢呢個情度，心想冇理因喎，係咪張相有問題呢？。今日喺電子新聞媒介下載佢另一張相：係喎，睇真佢真係..... 一條插咗民主旗幟喺尾巴嘅「汪汪」....！