2015年3月26日星期四

煑野食

煮野食

雨中先生並唔係老饗,唔識飲亦唔識食更唔識煮。點解今次咁斗膽喺博客爭人家地盤講飲講食呢?啊,雨中先生都唔知點解突然挑起條根,影咗啲平日煮開食嘅麥皮同糙米飯嘅相,同大家分享下雨中先生日常食嘅淡而無味,日日如常嘅食品。


雨中先生平日不好食,但只有一個要求,就係要飽,不單要飽而係要好飽,飽到食完番屋企扣喉嚨嘔番出嚟都要食,有「食物焚化爐」之稱。呢樣可以講係創傷後遺症,因為年少家貧,發育時經常食唔飽,捱過餓,所以飽對於雨中先生一生何其重要,不單自己,對家人也如是,只要在家,幾辛苦趕船趕車都要趕番屋企為家人做一餐飽飯。與老伴同行幾十年,未有俾佢捱過一餐,甚至是一個早餐﹔記得還在香港時,老伴上夜班早上放七時半,雨中先生上早班,早上五時就要出門,雨中担心老伴回家冇早餐食,早上三點半起床為老伴準備早餐,碟邊留一首打油詩

「早餐已備  調味一流  吃完以後  抹嘴便走
  匙筷碗碟  留夫侍候  天氣嚴寒  望妻早抖」

老伴還靜悄悄的將呢幾句「肺話」收喺佢私人文件之中。



自從認識持素,知道所食之所謂好味、好食,不過係嚟自三吋喉嚨,食物過口、齒、舌、喉四處就冇好味、好食之分,如果為呢三吋「口福」,取人家一條生命,那又何苦!所以堅持食素十六年了。但要食飽,要食到超飽仍然冇改變,直到有一日......



醫生話:「你血醣高因而影嚮你血壓飊昇,你現時處於患糖尿病邊沿。」於是乎要接受防止患糖尿病課程,學識咗煑一種日前雨中倆老天天煮日日食,食而不厭嘅「麥皮」。煮麥皮話乜咁容易,駛乜你教喎!係喎,呢啲麥皮冇乜特別,不過雨中倆老分開水同渣嚟享用就特別啲。去圖片....




喺防止糖尿病課程中,營飬專家推薦呢種高纖維Steel cut麥皮,質感與即溶或快熟麥皮原全不同



煮嘅時候,雨中先生會先藜麥Quinoa,係種,原,唔似得,而係屬,同係近親。
藜麥有豐富嘅,有多種(譬如命E)、(譬如)、(譬如)同(譬如加3



跟住放麥皮,武火唔冚蓋煮十五分鐘,收火冚蓋文火五分鐘熄火,焗十分鐘便可以食用



焗十分鐘後麥皮沉澱底而面上一層米漿狀糊水,營養很高



雨中倆老喜歡將糊水貯喺熱壺,留待運動後用



煮前多落些水,或小落些水,糊水稀濃情度就决定於自己需要



剩下的麥皮可以趁熱時加雞蛋增加蛋白質,加脫脂奶,吃時非常可口


係唔係睇見都想食呢?


今日咁啱同亞五(五味軒)講起點樣煮野米。雨中家早在十年前就開始唔食白米改用全糙米,其實食白米係自己揾自己笨,用貴嘅價錢去買一啲經已磨去最富營養外皮嘅白米,起初改用糙米,雨中家兩公子扁晒嘴問「有冇得選擇」,雨中大俠何等英明果斷,斬釘截鐵話:「有!一係食,一係唔食。」雨中家兩公子那敢吭一聲,一食就食咗十年八年,肥「C」大隻。



鍋中就係糙米,隨意加野米及一種印度豆,叫Chana dal


先介紹 Chana Dal,係印度餐常用一種豆,跟中國嘅馬豆十分相似。揾唔倒中文學名,不過蛋白質頗高


黑野米和稻米不同的是它其實是一種草的種子,外殼未經打磨,保留著豐富的營養素和纖維質。淘洗黑野米,不可過度用力,以免營養流失。烹調時,用清水浸泡後,以一杯野米加二杯水,外鍋加一杯水,煮開約15分鐘,外鍋再加二杯水,跳起後燜半小時即可。
黑野米可烹調各式佳餚,但其比糙米還要硬的質感,難免令愛吃「軟飯」的香港人無所適從。



雨中家煮飯加野米、C hana Dal用另一個方法,主要係一個厨具(飯煲)。洗淨落鍋加米一點五倍米水便可以開火



剛才講過個飯煲,只需要開中火(6度)就足夠



個煲係美國出品Saladmaster,係用最精嘅不鏽鋼做,呢類不鏽鋼通常使用在手術室用具,金屬密度好高,價錢亦昂貴,細細一個煲,二手貨喺Ebay要價加弊二佰五十元



當個煲到水滚時,排氣孔噴出蒸氣,煲蓋與煲邊經己被水氣密封


 呢個時候只需要較到最慢火就可以,一般糙米比白米較難焾,慢火三十分鐘熄火焗十分鐘就可用



米已成炊



好清楚見到野米硬壳經已開咗,露出裏而嘅白肉如果你冇雨中家呢種煲,而又想試下食野米,不過又怕太硬,可以隔晚預先將野米浸水,或者可以用煲粥方法:如果想煲粥煲得夠綿,可以將米浸水,等米吸夠水份然後放入雪櫃冰格,米結冰後本身份子分解破裂,落鍋就會有綿的現象,野米要煮得焾,可以試試呢個方法



今晚食乜餸,羅漢大齋.... 其實係將雪櫃有乜煑乜。呢鑊似餿水嘅食物,有椰菜、芋仔、紅蘿白、青蘿白、枝竹、山藥。睇就唔好睇嘞,不過都係嗰句.....食物過口、齒、舌、喉四處就冇好味、好食之分,如果為呢三吋「口福」,取人家一條生命,那又何苦!



11 則留言:

五味軒 說...

大哥:今日一早浸定野米,到傍晚有部份已開花,連續兩日比較,用電飯煲煲野米一定要先浸水,否則會硬,明天試蒸飯,之前做過鴛鴦飯其中的紅米也是太硬,改用蒸的方法可以解決紅米的硬度,因蒸的時間可自由控制,和大哥的方法接近。Steel cut麥皮我臨睡放一把在保暖壺,加入大滾水,旋好蓋,翌日倒出加熱滾兩滾已經好杰身食得,想要麥皮水,可加多啲滾水滾幾滾即可,隔出麥皮水俾亞細飲,我食渣。

五味軒 說...

忘記多謝大哥費心為亞五詳盡講解,圖文並茂!

wei-wei 說...

食得好健康!

翠兒 說...

雨大俠變身雨中大廚!謝謝分享!

red yellow 說...

雨中先生,
果然識食,
而且識煮,
更加識教,
是真正的通識。

人在雨中淋 說...

用任何不同方法都可以,最緊要煑得焾食得入口,好唔好食呢?

人在雨中淋 說...

希望能夠健健康康,食多三、五、七、十年嘛!

人在雨中淋 說...

呢啲三脚貓嘢難登大雅之堂,翠兒真會開玩笑!

人在雨中淋 說...

洪兄呢排轉賣帽,又一頂笠落嚟,頂唔順呀!

秋葉 說...

軟熟的白米飯很好吃,糯米飯也很好吃。同埋用糯米做的粽子,也是十分好吃哩。我是飯桶。哈哈。

Unknown 說...

亞爹果然識食, 留返一碗比我呀..................
係呢....對於食, 我同你有一個不同的觀念, 大多時候我只吃八分飽.