絕代双嬌 15

絕代双嬌 15

文章日期：08/01/2012 08:47 am

百厭雖然係百厭見稱，不過經常都〝以您地為本〞，隨順大家嘅意向去寫呢個吔烏古仔，您話想加個Love story。

好！就加上一段黑衣人……不過有啲時候，百厭係冇辦法全部滿足大家嘅要求；好似菊村姑話：「已寫到第十四回，以電視劇的說法，大概進入〝結局周〞了。」百厭答話：「睇咁嘅走勢仲有排至收得尾，您仲有排畫嘞。本來諗住話冰火對决就完場，最終加咗鬼見愁幾集、等到要揭石刻之迷，又話要加件疍治一碟，遲吓或者仲有油占多啦，干炒牛河啦，羅漢齋炒麵啦……，我都唔知幾時可以結局。」以下呢一回係順應無艷女俠話：「點都要俾東瀛帥男@雅治大哥大顯身手，自彈自唱！大可以有人吟首詩，花子姑娘做翻譯 , 雅治大哥一盞茶的功夫就配了樂；仲有，俾無艷同帥哥傾吓偈交流下……」件疍治又點會〝一盞茶的功夫就配了樂，〞咪又唔係百厭星做埋！

不過，有大家咁捧塲，緊係瞓晒身都抵……我死啦！

絕代双嬌「吔烏城」冰火對决

第十五回 異國情鴛驚夢散 空餘情淚入青山

話說一眾英雄步入客棧，見東洋偷渡客喺度舞刀弄劍，當呢件疍治見到驚為天人嘅無艶，狼……狽相大現，劍都揸唔穩。

為美色連劍都可以墮地者，各英雄一看明白，心中有數。福佳疍治知自己出咗洋相，連忙〝補鑊〞，好尷尬咁執番把劍回鞘，向客堂坐上各人深躹躬，口中說：「おはようございます！」「各位は良いです！」

有冇人識解？依家就有「谷哥翻譯」啫，喺呢個古仔嘅時代係冇嘅喎，正係大家都唔知件疍治嗡乜嘅時候，「花子翻譯」睡眼矇鬆由房間行出嚟，聽見條福佳友講東洋話，本能就答：「おはようございます！朝食は何を食べますか？」

唔明！？快啲去揾亞「谷哥哥」幫幫手。花子姑娘見在坐嘅英雄豪傑，女仔即係女仔，吐一吐舌咁就一句對唔住都慳番。福佳疍治連忙拉實花子，問：「これらはどんな人ですか？」花子說：「彼らはすべて中国の武術の達人です。」「中国の武術！本当ですか？」疍治特別將最後個音拉得好長，好似唔信又如似讚嘆！

疍治眼看了一週嘅英豪，個個英姿卓絕，佢學中土人仕拱手為禮說曰：「私は日本人です，名前は〝福佳疍治〞。」佢望下在坐各人，見全冇反應，佢將眼好期待咁望住花子姑娘，好似話唔該你幫我翻譯下啦，呢個時候花子姑娘慢條斯理行到客堂中間，笑咗一笑，說：「呢位係東洋嚟嘅福佳疍治。」疍治接住話：「私は中国の武術に感心します！誰が私のいくつかの中国の武術を教えることができます？」個翻譯員花子即時傳譯：「佢佩服中土功夫，唔知邊個可以〝過〞我幾招中土武術？」

咁就〝大近視〞嘞！本來件疍治話「好佩服中土功夫，唔知邊個可以〝教〞我幾招中土武術」點知呢個即時傳譯啲中文都係〝麻麻地有限公司〞，句說話由討教變咗挑釁。本來唔會係咁嘅，如果係中土人向長輩請益討教，態度會誠懇殷切，點知呢位福佳先生，生相係〝風度翩翩有別一般略欠大度〞，嘻皮笑臉唔識大體。

洪湟大俠站立起來向疍治笑曰：「福佳先生想與邊位教量呢？請說吧！」花子即時傳譯：「福佳先生と誰が比べてみますか？言って下さい！」另一個問題又出現。疍治想：「我係向佢地請教，點解佢地向我挑戰嘅？」呢個大男孩一時好勝，賭氣咁指住坐係一邊嘅「火鳳凰」言自語，說：「彼女でしょう。」

火鳳凰不用傳譯，見疍治指住自己，加埋上文下理，就係向我挑戰。好一個火鳳凰，行走江湖只係未逢過一個東洋對手，佢行出四合園中間，經已係氣派萬千，拔出鳳凰双劍拱手而立。疍治喺東洋，根本未見過女生有此練武人嘅氣勢同氣質。佢起先想嘅係揀個女生比較容易打，點知呢個想法係大錯特錯！

疍治拔出東洋刀高舉過頭，冇好似以前妍瓦姑娘以卑輩先讓三招，就〝呔〞一聲直劈而下。火鳳凰右手持鳳劍一架，左手凰劍收在背後。疍治東洋刀餘勢未了，翻手由左至右橫掃，鳳劍指地一架，凰劍仍收在背後、東洋刀乘去力再向前一推，火鳳凰側身閃避過，低聲說：「三招了！」電光火石間，趁側身而疍治直剌衝前時，左手凰劍經已架喺福佳先生嘅頸上，疍治嘅東洋刀又一次墮地。

「今度は不公平です，彼女は2剣を使います！」疍治謂是次唔公平，因為火鳳凰用两劍，佢走去攞咗東洋套刀，一長一短，企喺四合園中央說：「再び一回来ます！」這時火鳳凰剛返回座位，見疍治持双劍指往佢，正想轉身去教訓如斯不知好歹之徒，時在旁一位男俠說：「大姐、讓我來吧！」說罷經已輕悠步入園中，說：「我就讓你双刀對我單劍。」單劍出鞘，一聲清嘯，劍身紫藍泛光，劍柄護手前刻〝了斷〞二字。

寒春日經過素心齋一役，失心症經天涯俠醫洽當嘅治理，同江南女俠悉心關懷、諗通咗好多問題，解咗好多鬱結。疍治見寒春日、另外一個中土俠士形像，啲確係喺東洋亦未見過有男生有此練武人嘅氣勢同氣質，佢心中經已知道輸硬嘞。說話少講佢双刀如車輪向前亂刴，了斷劍只係喺两刀中嘅縫隙遊走，有點有刺有劃有掃，絲毫不與東洋双刀相碰。福佳疍治越打越涼爽，當然啦，佢俾衫經已俾了斷無痕劃咗好多條痕，剌咗好多個洞洞，福佳先生双劍擲地，跪地下來。

武林比試，不涉生死傷殘，點到即上。眾英雄見東洋人認輸，不再深究下去。呢個時候花子姑娘解釋自己翻譯上有錯，至另大家誤會；眾女又同呢個〝不笑時，冷俊憂鬱；笑時，燦然如陽光〞嘅大男孩玩得都唔知幾開心，花子姑娘當然係最開心嗰個啦，無他嘅，異國能遇到有人同聲同氣，緊係親切啲啦！廚痴當然係一個箭步……衝入廚房為眾人籌措午飯，與佢一起者有向不喜歡熱鬧嘅「妙韻冰音」芃澎。

芃經過前幾日一塲險作生死別之戰，對於人在世似乎有咗一啲嘅領悟。正當五大姐同芃澎正忙着，外面熱鬧非常嘅時候，菊無艷走入廚房，企喺芃澎旁邊與芃一齊洗菜……芃澎心水好清，一個咁好玩嘅無艶，出面玩得咁開心，點會咁乖走入嚟廚房幫手吖。呢两個好朋友肩並肩，四隻手放喺同一盆水內洗菜，芃澎用肩膊碰咗無艶膊頭一下，說：「您唔出去同佢傾吓偈？」「佢？邊個？」無艷答：「我又唔識講東洋話，點傾啫！」此時，廚痴五大姐正為鑊中餸菜加調味，火紅嘅燒煱蒸發出大量醋味……

外面嘅福佳疍治都唔知玩得幾開心，但係佢幾次泛出無艷姑娘嘅身影，不過同樣一個答案：「我又唔識講中土話，點傾啫！」呢個時候，花子費咗九牛二虎之力，翻譯咗两句唔知邊個女俠作嘅歌詞，話要疍治即時作曲演唱。呢個福佳仔片刻用歌詞作咗首歌…… 佢頭扎一條頭帶，左右兩邊各插一支筷子，佢話扮隻牛喎、手拎住帚把，佢話係两弦琴喎、打大赤嘞，佢話咁至有東洋味喎。佢唱：

「海のような青色の青、　明は依然として一人の一人前の男で、　世の中のひと言、　情愛はそばを放します 。

花はあまりに香ばしくて、　傑出している花を下へ使うのは死んでも使う絶えず変わって、　一点の傷を持たないで、　歩くのが広大で平坦です 。」