2015年8月7日 星期五

裝修、蘇州.....C


講都唔信.... 雨中家嘅装修一拖四個月,現時仲有個工匠喺「雨中府第」執緊手尾,真太累了。



點解?以前咪聽雨中先生講,話呢單装修有一個工程經理負責一切,雨中夫婦可以印印腳,繼續每日游水打波,點解會咁嘅呢?都唔可以話「財叔中奸計」嘅,呢個經理犯咗個好大嘅錯誤,就貪人家收得平,自己利潤會多啲,錯用咗一個地板二判,卒之就將地板、地腳線做到一鑊泡,最弊就係一個半桶水都冇嘅所謂「師傅」,用電鋸鋸壞咗樓上五套門框同門架。仲未止,樓上七套櫃門架。



雨中先生好耐冇發過咁太脾氣,捉住個工程經理省到佢立立令,最火嘅就係佢話地板判頭願意每套門架賠償一百加元,建議我「袋咗先」和解。



雨中先生一聽,火都嚟埋,唔知嗰時個頭有冇烟出,指住個工程經理話:「你係整個工程嘅受托人,我信任你而委托你把持着呢個工程,每次我提及地板上嘅錯誤,道理上要維護委托者嘅利益,而唔係為過失者講好話。很使我失望嘅係你向我建議收幾百元賠償,請你睇睇佢他做嘅,不單門架同門框惨不忍睹,連衣櫃門邊和門架亦一塌糊塗。如果係你間屋,你會收幾百蚊賠償嗎?」

有冇相睇?有!















最後,唔知係地板判頭賠,還是工程經理自己揹黑鍋,五隻新門換去被破壞咗嘅門。一隊六人,很專業嘅工匠將地板判頭留低嘅「蘇州」嘢,修修補補,需時四天,依家仲做緊換門架門框。


 




太累了,真想休息.... 不過還有另一個工程接踵而來.... 唉!




張貼留言