Cops for Cancer 2015

又一年，明日上路，今年是第十一年参加做義工，每一年都係做同樣工作，負責全個車隊嘅單車正常運作。記得参加嘅第一年係2002年．車隊只有十四個隊員，每年人數都增加，今年車隊有三十一個半....嗰半個就係老雨.... 車隊大多隊員都話叫老雨踩埋一份。睇情形啦，如果環境許可．會上車踩番幾百！所以今次帶備戰車，睇因緣啦。

年年都做同樣嘅嘢，唔厭嘅咩？ 㸃會，呢個係有意義嘅籌款活動，而且單車佔咗老雨人生三份二光陰．有人甚至話老雨係單車嘅「活字典」，那敢這想，現時科技日新月異，老雨是會這樣答覆：「對單車，我是停留像電腦的386時代，有所有的资料，但是過時的東西。」

但有一些還是在基本的沒變，例如一個人用多大的車架、怎樣的運動坐姿至可以發揮得好。踩單車沒有省氣力呢回事．但如果運動正確，氣力不會浪费，相對速度會增加．這或者會省㸃力氣。

不過做機械技術人員就不能省氣省力．因為危險由疏忽而生，老雨每次每晚都會檢修每一部單車到入夜。

如果視之為終生嗜好和終生職業，老雨想：算是敬業樂業，將所識所懂的回饋給社會。

行進時抓緊在休息時間，道旁修理....全栅人等又㸃唧，爆呔換內胎只不過兩分半鐘，隊員又可收繼續上路。

雨夜修車，一干人等正在休息暢飲啤酒．寒風细雨下，靠車尾門頂着頭上雨水．保證單車翌日安全，小小的付出，值得嘅！

你睇百厭個百厭樣就知嗰種樂趣啦！
老雨會盡量將最新圖片上載，與大家分享，唔好行開嘞

加拿大卑斯省耆英運動會

很無奈及很困擾，個電腦主機時好時壞.... 最弊就係有意欲靈感想寫博，佢就壞咗，整番好嘞，呢個意念又經已消失。有時想「的」起心肝寫，個電腦就「即死」過你睇。

呢張係2013年甘鹿市舉辦嘅 BC Senior Games， 雨大嫂同日籍拍檔取得女子雙打金牌，領獎後與銀牌隊伍合照

呢張就係同年，雨中先生同只見第一面嘅拍檔，混合雙打力拼取得一面銅牌。

上面兩張相最近雨中先生在官方網站發現，下載所得。

呢張就係今年2015，亦是由官方網站取得。老雨参加兩個項目，65- 69 歲男單同男雙，兩項都打入决賽，男雙摘銀而男單梗頸第四。一是技不如人，二是氣力不繼，决賽每場都打平手要打第三决勝局。男單銅牌决賽雨中先生對手，要食止痛藥才能險勝。

難得嘅係六七十歲，仍然能走能跳能游能動腦筋，這個運動會對耆英很有推動意義。明年舉辦城市是「高潔林」，老雨有主場之利，不過明年唔打羽毛球，試試繼 2011年失敗後，明年在單車項目，是否可以取些「牌牌」回來。咭咭

2015 個銀牌，由拍檔上台代領了，明天會交回給老雨，到時再上載與你分享這份「喜悅」