很無奈及很困擾，個電腦主機時好時壞.... 最弊就係有意欲靈感想寫博，佢就壞咗，整番好嘞，呢個意念又經已消失。有時想「的」起心肝寫，個電腦就「即死」過你睇。
呢張係2013年甘鹿市舉辦嘅 BC Senior Games， 雨大嫂同日籍拍檔取得女子雙打金牌，領獎後與銀牌隊伍合照
呢張就係同年，雨中先生同只見第一面嘅拍檔，混合雙打力拼取得一面銅牌。
上面兩張相最近雨中先生在官方網站發現，下載所得。
呢張就係今年2015，亦是由官方網站取得。老雨参加兩個項目，65- 69 歲男單同男雙，兩項都打入决賽，男雙摘銀而男單梗頸第四。一是技不如人，二是氣力不繼，决賽每場都打平手要打第三决勝局。男單銅牌决賽雨中先生對手，要食止痛藥才能險勝。
難得嘅係六七十歲，仍然能走能跳能游能動腦筋，這個運動會對耆英很有推動意義。明年舉辦城市是「高潔林」，老雨有主場之利，不過明年唔打羽毛球，試試繼 2011年失敗後，明年在單車項目，是否可以取些「牌牌」回來。咭咭
2015 個銀牌，由拍檔上台代領了，明天會交回給老雨，到時再上載與你分享這份「喜悅」
11 則留言:
個人百厭，部腦百厭仲勁過個人！
分享大哥的喜悅！
機器亦名激氣 ! 如遇著電腦唔聽話，真係好激氣 ! 最近秋終脫離連繫主機的年代，女兒為我買了一部筆記型電腦，屏幕和以前的一樣大。
可是種種設定和舊的有些不同，要從新適應。有些傢俬要換，好多東西要整理執拾，有排煩。
恭喜雨大俠又攞獎牌！
你去年個混雙拍檔咁斯文，怪不得你要一個打三個啦！哈哈！
敬佩有嘉，老當益壯。中日民間大團結。
趁個腦未「瓜柴」，答咗宗姊先。
物以類聚，雨中百厭梗係有個百厭嘅腦啦！
話時話唧，年年都唔係攞獎就係攞釆，有贏有輸，習慣咗就冇乜喜悅，反而享受運動會嘅過程。
秋葉姨，雨中就嚟都要棄大腦用小腦，可能要從新適應，不過一理通百理明，難不倒亞姨...
翠兒真好記性，仲記得老雨一個打三個嘅古仔，真感激！
沒有錯，戰爭是國與國之間，人民與人民還是友好的，因為不論種族、宗教、語言、膚色，人流的血都是紅色的。
有球場上，有幾位年紀相約日籍球友，他們經常會問老雨，是經常... 這可能他們心中因上一代戰爭侵畧事有介蒂，他們經常問老雨：「Are we friends？」老雨會笑着答他們：「Always！」
而家好多人都想贏在起跑線，雨兄就贏得又輸得，有體育精神，讚！
發佈留言