2014年2月3日星期一

我與我車



我與我車

1970 香港新界康樂園還是一家在大埔公路旁一家冰室,四週遍是農地,到七十年代末才發展現時的低密度住宅區。那年代新界的單車比賽多由康樂園為起終點,最考力氣是名為「三上林錦」的賽程。即是由康樂園起步,經林村、錦上路、荃錦公路返回康樂園三次。




這張舊照片是1972年香港單車厰隊,四位車手中最左邊是李盛昌,他右邊是教練余天龍,我的右邊是陳撝磊,他是當時香港車隊的奪冠運動員,参加過72年德國慕尼黑和76年加拿大蒙特利尔奥運。最終他在缺乏適當訓練和指導下,心臟出問題而退役。在當年政府對運動支援不足情況下,能参與兩屆經已是難能可貴的了。我當時經已〝退役〞轉為廠隊的 mechanic




移民加拿大後遇上另一位香港九龍車隊的車手 William 和他哥哥 Wilborn,我們組了一隊全華人車隊。照片是在列治文市漁人碼頭與本地車手合照。兩位穿便服的長輩是WilliamWilborn 的父母親,他們從香港來探兒子。老人家的正左上角是William ,母親旁是Wilborn

照片攝於2000




這是 Trek Y50 是九十年代的極品,炭纖維主架,價值不菲
照片攝於1998年,百厭當年四十九歲,睇落好似二十幾呵。





Trek Y Foil 是極少量產品,十分美麗流綫車架,配上只有14根鋼線的車輪,會令人有疑問..... 它能載人嗎? It does!  價錢? Oh gosh!

照片攝於2002,呢架車因車架有裂痕,退役... 2013年修理後重用,下文續有介紹




在我脚下的是Trek USPS車隊的炭纖維車,是Tour de France 七屆車王Lance Armstrong 用同系車種。2002年的我仍然似模似樣的Jump 車上斜。我承諾了自己踩單車十次一百公里。由2002年開始經已完成了九次,尚欠一次...... 對〝落車〞已久和年邁六十二(三年前寫此稿時)的我確是一個考驗,不過我經己作重新〝上車〞準備,準能圓此願。





2002年,Barry加入華人車隊,以他超大師級攝影技術,為每一車手各影一張個人照片。由當年開始因體力而淡出車隊,自踩自路直至全部〝落車〞到前幾年才重新上車。


Trek Y Foil 77

1996年末由美國威斯康新州Trek車廠設計及生產,其極流線形態,令人觸目,表現出一種另類概念,有人用Sexy一個字來形容。目前世界上單車有知名的兩個羣體組織(fans club),一個是 Raleigh Chopper,另一個就是Trek Y Foil


Raleigh Chopper 是上世紀七十年代初,英國伯明罕來利車廠出品,風靡一時。



Trek Y Foil 77

當年的Trek 車架有一條裂痕,在當年技術是判了這個車架「報廢」,去年一個偶然機遇,在屋外雜物室看見這個被遺棄了十四年的車架,突然冒出一個奇想,何不將之修復,給它回復當年風采。在網絡上找到一家專門修理炭纖車架公司,他們很專業,將車架修復並且按我的期望,塗上新的以加拿大楓葉為主題在車架上數了數,竟然有二百多片楓葉


車架修復,添上新裝

因緣真很奇妙,當車架還在修理中的兩個月中,一個機緣,我竟在網上找到當年用在這類車系的車輪和一套主零件。當收到經已修理好的車架,急不及待,費了一整天時間,將之裝配起來,畢竟十四年後,原車架一些配件經已失去,但奇跡地竟然被以前和我一起工作過的伙伴找到。


全部修復,外貌渙然一新還有今勝昔的感覺

試車

氣温只得四度,冷風效應(wind chill)是負一度,車隊成員雀躍為本年第一次試車做準備,天陰風冷,上車的不能穿衣太多,因為warm up之後會外冷內出汗,所以起步時畧冷,約幾公里後便很舒服適中。當然中途停咖啡店,是其中最窩心的節目。





返家後第一件事,用一個熱水淋浴,精神渙發,回想在隊中與比我年輕的隊友,給他們寫了一個電郵,主要是說他們的進度和踩車要注意事項,在末端我這樣做個完結Me….one year older and please feel free for passing me and don’t have to say EXCUSE ME, that hurt! Thanks




37 則留言:

Stella Luk 說...

2000年無肚腩喎!!!
個張靚仔相呢!眼仔大大啵!!!都唔似你嘅!咭咭咭!

Unknown 說...

WOW...........目及住亞爹架懷舊味甚濃的單車...............我好鐘意紫色架~
Trek 依家都有出產新款
黃色架Chopper ........... 好似小朋友車.................咭咭

五味軒 說...

片片楓葉好靚好有特色,令人一見喜歡,踩還踩,要顧住身體,吾好免強自己呀!

wei-wei 說...

翻閱舊相, 不免令人唏噓! 頻呼一句 "昔日青春無限"!

五葉草 說...

讓我對單車認識多左,謝謝你的分享。

飛鳥 說...

嘩)))雨兄
頭頂張馬群相好正啊.
俾個第一你,哈哈

飛鳥 說...

很有紀念價值凡照片
楓葉車架很形

凌子卉 說...

數不盡的威水史,猶如刊頭的八駿奔騰。
祝八厭生日快樂!

五味軒 說...

百厭生日快樂!繽紛素石榴包代替生日蛋糕,啱吾啱食呀?

五味軒 說...

睇落好似二十幾嗰張相,睇落執子之手 與子皆老嗰張相,同阿嫂而家好似樣喎!

人在雨中淋 說...

十三年後發福,腹肌變腩肌,仲繼續增長....福(.腹)氣嚟架!
係囉,保養得唔好,走晒樣添!

人在雨中淋 說...

架舊車翻新得好奪目,錢作怪唧,依家啲新單車冇以前嗰種形態。Chopper係現的BMX嘅鼻祖,適合任何年齡,形態特別,當年風靡一時!

人在雨中淋 說...

當迷咗落去就冇勉強唔勉强,牛唔飲水點拑得中牛頭低,幾十年都係鍾意佢......單車。(百厭嫂啱啱行開咗)

人在雨中淋 說...

百厭算有福嘞,老來能走能跳能打能踩單車,是唏噓,但也感恩老天待百厭不薄。

人在雨中淋 說...

未知草兄是誰,嗱嗱聲走去睇睇草兄博客,啊!原來同是加友,呢幾日多倫多雪暴其大,深切問候!
再看....多謝草兄將百厭放入被追踪之列,感謝!

人在雨中淋 說...

張Header係借用網上照片,好有氣勢,俾個第一嗰個攝影師至啱!好野!

人在雨中淋 說...

康樂園張相係百厭唯一有嘅歷史見証,因為嗰時菲林、相機、晒相,非我輩玩物。
架車十幾年都仍然有吸引力,設計流線優美。

人在雨中淋 說...

百厭最鍾意講嚿C......
八厭生日咩?八厭係邊個?八厭同百厭爭好遠噃,起碼爭咗九十二(一百減八)。

人在雨中淋 說...

五姐整素石榴包俾百厭食,多謝,梗啱食格,不過要等生日至食,個包肯定發蕪,要等大半年呀大姐!
都唔知嗰個卉凌子搞乜,無啦啦話八厭生日,都唔知係乜水

人在雨中淋 說...

嗰張靚仔靚仔相?真係唔似四十九歲.....

五味軒 說...

今曰係人日,人人生日呀!

人在雨中淋 說...

天山姥姥你搞乜,無啦啦話八厭生日....

人在雨中淋 說...

唔係,今日係初六、初六、初六、初六.......

Unknown 說...

爹, 人日呀, 大家都生日快樂!!!

Unknown 說...
此留言已被作者移除。
五味軒 說...

同你預祝都得啩?過多幾個鐘就初七嘞!

蒲公英 說...

大哥由小到大都是這樣可愛^0^。我除了小時候踏單車做運動外,從沒有踏過單車,因為呀媽話危險。你也要小心一點。祝你和家人生日快樂!~~~

人在雨中淋 說...

下次大哥番嚟同你去踩單車......好似話西九有得踩,係咪?
大哥依家組咗一隊老人單車隊,最年青嗰個52歲,最年長係67,就係上面嗰個印度人,個隊名叫倣「Oh boy!Cycle Club」,經已定緊單車衫....咭咭

Unknown 說...

你回來我同你踩上珠海 (~.~)

人在雨中淋 說...

講過算數.....咭咭

人在雨中淋 說...

無厘頭個回覆會走咗落下面,唔明!

Unknown 說...

撇開威水史不說, 但令芬妮"張口結舌"的是...... 兩大俠的樣子很年青呀!!!!! 雖說年紀比我大得多, 但跟我拼在一起, 真的只能說...... 兄妹?! 哈哈哈!
祝雨大俠 青春常駐呀! :P

人在雨中淋 說...

雨大俠個樣同個心都係好年青至啱,拼埋你度就......叫聲大哥啦......呵呵呵!

凌子卉 說...
此留言已被作者移除。
凌子卉 說...

百厭,你好嘢,笑番我一啖,唔睬你!
上面嗰留言寫錯字刪除著,費事比你篤穿。

人在雨中淋 說...

呵呵呵!我笑,我笑,我笑笑笑!

匿名 說...

好回味這文章, 因這是我們在這相遇的地方, 又可跟你40多年的朋友重聚.
今晚感恩又可在香港聚首一堂.
Great !!!!