2013年9月5日星期四

孤高城‧雨中家




網上圖片


孤高城雨中家

雨中淋喺雅虎博客寫下,連口水四濺廢話連篇嘅長篇武俠小說「絕代双嬌吔烏城冰火對决」共四十篇,多謝各方武林人士讚譽,最重要係呢個「絕代」內裏嘅人物,除咗三幾個角色,好似「福佳疍治」「白武士白也哲」「黃衫客」同冇人肯做嘅「啞太監小單子」,一時間揾唔倒適合演員之外,其他幾十個有份演出嘅,都係前雅虎城一眾博客,其中各人以佢自己博名,按故事需要由雨中導演同菊副導為佢地度身定做嘅人物名稱,依家睇番轉頭都係一個「好」字,好!改得好....刋出嚟,先俾大家回味一下:


江南子 文折桂 〈江南第一才子〉
厨癡 五大姐 〈五味軒〉
厨獃 五大爺 〈五味軒嘅老伴〉
木公生 步如 人生馬拉松〉
鬼卜 紀思磬 K 師兄 Kurosawavin
神算 紀爾雅 kei
徒弟仔 江諾山 降落傘〉
瞧余奸毒 余樞基 ck
了斷無痕 寒春日 春日鳥〉
花前 木蘭姑娘 花木蘭〉
月下 月兒姑娘 月兒〉
悲心使 天使姑娘 天使心〉
口花太歲 瓜啦啦 口花〉
天涯俠醫 安道全 安道全〉
四脚蛇 嚴卸 四隻脚嘅蛇〉
華三少 華季曜 五星下的三星〉
無喜怒 吳楓 Hero
小師妹 姸瓦姑娘 Katharine
火鳳凰 言自語 火鳳凰自言自語〉
嶼火島主 菊無艶 菊主〉
妙韻冰音 芃澎 彭彭〉
落雨劏雞客 雨中淋 雨中淋〉
中原一點窮 窮瘋婁 中原一點窮〉
南疆青劍 娜拉 Nonna
外箭羽 瑪姬 Maggie Kitchen
夢中仙 如夢姑娘 sweet dream
雲端影 步輕雲 Bobo
吔烏大俠 洪湟 red_yellow
揪飛一葉 葉依秋 秋葉亞姨〉
東灜十二郎 辛月十二 十二月〉
東灜花子 花子姑娘 Ms A
一憂大師 一憂 一休〉
西域雲尼 雲尼 Norwich CT. Winnie


三十三位名號都係根据博客個名號特點同故事中需要,其中當然以揪飛一葉、瞧余奸毒、了斷無痕、步輕雲、妙韻冰音、花前、月下... 等最為經典。最絕嘅還是落雨劏雞客。



雨中淋又拎番舊時啲野出嚟晒.... 非也!佢唔係拎舊C出嚟晒,而係俾紅黃( red_yellow)同東籬菊主挑起係根:吔烏大俠話:雨兄,好身手,「谷歌城」靠你啦,也許將來再來一段「絕代双嬌谷歌城冰火重聚」


跟住菊主加把口話: 無艷早幾天已有此想法(真的!),不過不好意思開口,好了,乾爹出面,實有續集!


佢兩父女(「絕代」故事中嘅角色)一唱一和、跟住加埋雲端影步輕雲"BoBo"拍埋手支持,撩得雨中淋心頭癢癢.....



好!就嚟寫一個「孤高城‧雨中家」嘅長長長(西瓜刨話齋)篇武俠小說.....
故事係講喺古時(故事裏面嘅時代,先講明係故事,唔准駁古),有一個名為「孤高城」,城內有一武學世家「雨中家」,以主人雨中淋(呢個角色冇人會搶嚟做掛?)同佢三個女兒「釵、情、尋」為中心發展出嚟嘅故事。雨中淋現實生活中係"冇女大班"只得兩子,恨女恨到發晒燒,好囉,今次借頭借路有三個女兒,寫跛手都抵啦。「釵晴尋」三個角色經已有人搶咗嚟擔任.... 話咗你啦,嚟睇雨中淋嘅作品又唔留意下的留言,呢三個角色:雨中釵、雨中、雨中尋,一早就俾人攆走咗咯。想唔想知道呢三位係邊個呢?咭咭!



你又會問:百家姓陳李張黃何,好似冇「雨中」呢個姓氏喎?
係!冇錯,百家姓有司徒、司馬、上官等等嘅複姓而冇「雨中」,係「百加零一姓」嚟嘅,得唔得先!嗱!唔好話呢個係日本姓,嬲格!



依家開咗個頭,就等你地嚟報名参加試鏡嘞,有幾十位喺「絕代」有精彩演出嘅博友,應該唔駛報名都自動入圍,不過公平起見同尊重個人意願,都係由你地自己決定玩唔玩好啲。


留個回應俾雨中淋,最緊要寫明意願,想做忠嘅抑或做奸嘅,還是忠奸都冇所謂,不過做戲梗有忠奸嘅喎....唔係好似上次咁,安排咗博友「春日鳥」演"了斷無痕寒春日"一角,上晒畫佢至話:我唔想做奸嘅、你殺咗我啦!諗落呢句說話又好似唔係春日鳥講喎.... 唔通係另一個奸角"瞧余奸毒余樞基"CK兄講嘅?


當然報咗名,最好就任由雨中導演話事,唔得就炒你魷魚。如果你唔介意到好似「豬頭亞姨」博友湖雪咁講:「但求有得参加有得玩,俾我做"支"都得格... 」真係有演員嘅風範!









20 則留言:

Unknown 說...

尋....到了 (~.~)

wei-wei 說...

Kei 說: 「我可能留守到站進入唯讀模式前一星期, 現在感覺就如二戰時期, 日軍要侵略時,英軍仍然留守係香港至最後一刻一樣!」。

人在雨中淋 說...

百厭則既來之、則安之。隨緣而為!

人在雨中淋 說...

乖女雨中尋先報到出現.....你两個家姐呢?

wei-wei 說...

我預備將所有舊網誌搬到雅虎介紹的平台。在blogspot我仍未懂如何運作, 不過最令我開心的是所以在我的Blogger資訊主頁就看到被我追蹤的網友們的網誌, 感恩!

wei-wei 說...

孤高城 雨中家 是甚麼年代的故事呀? 看其建築物雨中家唔簡單喎!

red yellow 說...

都話孤高城,
暗藏江湖絕密架啦。

舊城已毀,
何不趁風雲變色,
難民四野狂奔之時,
到雨中家一聚。

洪湟來也。

Unknown 說...

娜拉妹子雖遠走南疆,既有此盛會一定快馬千里赴會!孤高城雨大哥家見。

Bobby 說...

導演,今次有無陰謀角色既戲份呀?

Unknown 說...

哦!原來如此,莫非雨大導想我易角,唔做芃彭,做澎芃? 而澎芃又會是個甚麼角色?
拭目以待....^^

mayho 說...

新仔玩五玩得架,忠奸冇所為,詳情怎樣

人在雨中淋 說...

慢慢來,別急,多練習便能掌握。

人在雨中淋 說...

嗰張係網上圖片,雨中家只是一間破陋小屋,非常簡單...

人在雨中淋 說...

暫時只上了第一集,開了個頭,多謝洪湟大俠到來!

人在雨中淋 說...

妹子先坐坐,喝杯茶讓我兄妹两敘敍舊!

人在雨中淋 說...

大把奸角等人sign in,湖雪姊真好!

人在雨中淋 說...

可能是芃澎重出江湖,妙韻冰音克賊寇!

人在雨中淋 說...

只要係朋友,就受埋你玩,咭咭

凌子卉 說...

哇,這個劇場好熱鬧,插不上嘴都要講句:好嘢,任雨兄宰割!

人在雨中淋 說...

好彩你冇入嚟,唔係就劏埋你......咭咭